مش عارف ياربى بكرة مخبى اية ,,, ساعه اقرر اكون وياك وساعه انساك
ساعه اتذمر واصرخ ياربى لــــيـة ,,, وساعه اسلم حياتى واعيش فحماك
هى دى طبيعتى المخلوق بيها ,,, شكاك خاطى ومتهور يمكن كمان
واشعار حزينة بسهر اغنيهــــــا ,,, واحب دايما اعيش فى جو الاحزان
هى دى طبيعتى اللى انت عارفها ,,, منا فى الاول والاخر وصنع يديك
وكل صفاتى انت ياربى اللى كاشفها ,,, لكن صدقنى عاوز بجد ارضيك
كل اللى اقدر اقولة اقولة ,,,, انى مش قادر اغير نفسى
حملى تقيل مش قادر اشيلة ,,, تعالى يا رب ارجوك المسنى
دا لمسة منك تعمل كتير ,,,, ممكن تخلق فيا انسان تانى
وابقا ليك وانسى انى شرير ,,,, واعيش ليك وابطل اكون انانى
انت وحدك عارف حبى ليك ,,, مهما العالم يا يسوع اغوانى
انا عايش صدقنى يا رب بيك ,,, ومش ممكن انساك ولو ثوانى
دا انا فى وسط الخطية فاكرك ,,, وبقول لية يا قلبى تحزن ربى
ساعدنى اجيلك يارب واعيشلك ,,,وتملك مشاعرى ويكون ليك حبى
#اندراوس-عبدالمسيح
ليست هناك تعليقات:
إرسال تعليق